Forgangsröðunin í lagi?

Jæja - þessi blessuð kona veit greinilega hvernig forgangsröðunin á að vera í heiminum!  Bjórinn fyrst - barnið svo!

 Nei í allri alvöru talað - um helgina sá ég ekki svona gróft dæmi en það voru tvö börn í aftursæti á bíl og annað var greinilega í belti en hitt ekki og ég var að hugsa um að hringja á lögregluna...  en ákvað svo að mér kæmi þetta ekki við - en kemur svona hegðun okkur kannski við í þjóðfélaginu?

Lögin okkar segja að börn eigi að vera fest í bílstól eða öðrum öryggisbúnaði (veit ekki alveg hvernig orðalagið er) en þau segja líka að fullorðnir eigi að vera í bílbelti.  En er eitthvað gert?  Hversu marga þekkir þú sem þetta lest sem nota sjaldan eða aldrei bílbelti? 

Eigum við að hringja í lögregluna þegar við sjáum að börn þar í eru laus og liðug en ekki einu sinni spennt í bílbelti?

Vita það ekki allir að barn sem er laust í bíl og fær aftan á sig annan, getur skollið laust með andlitið í framsætið og hálsbrotnað ?  Er það kannski það sem fólk vill sem nennir ekki að þrasa við börnin sín yfir bílbeltanotkun?  Það kemur tímabil hjá öllum börnum fyrr eða síðar þar sem þau reyna að vera með múður yfir þessu.  Við sem foreldrar verðum hreinlega að vera stundum föst á okkar og ekki láta undan! ...

Gaman væri að heyra hvað fólki finnst ...

Bjór í belti en ekki barnið

Athugasemdir

[Hanna (IP-tala skráð) 11.2.2008 kl. 15:31]

Að sjálfsögðu eigum við að skipta okkur af svona málum. Ég hef hringt í 112 og tilkynnt um bíl þar sem bílstjórinn sat með lítið barn í fanginu á fleygi ferð á þjóðvegi. Okkur er annt um öll börn, ekki bara okkar eigin og ef foreldrar annarrra barna geta ekki séð að þau séu að gera eitthvað kolrangt verðum við að grípa inní.