Er íþróttaálfurinn almennings eign?

Spurning ?  Er Latibær ekki orðinn að skráðu vörumerki?  Þarf að skrá hvern einstakan karakter sem skrásett vörumerki?  eða eru íþróttaálfurinn og hugmyndafræðin á bak við hann og þættina almennings eign?  Hafa fyrirtæki og pólitískir flokkar heimild til að nota hvað sem er sér til framdráttar?

Bara pælingar um skrásetningu vörumerkja og þá um leið - hvað er vörumerki - getur það í sumum tilfellum verið hugmynd sem er komin í framkvæmd?  getur það verið karakter sbr íþróttaálfurinn eða Glanni Glæpur? ...

Íþróttaálfurinn ekki í Íhaldsflokknum

Lokum þjóðfélaginu :-)

Endemis veður er þetta núna...

Lokum bara þjóðfélaginu í einn dag og tökum lífinu rólega?   Hvernig væri það ha?  Gefið nú starfsfólki frí í stað þess að láta fólk berjast áfram á vanbúnum bílum, endandi á því að hringja á leigubíla - en æi þeir hafa svo mikið að gera að það tekur kortér að ná í gegn og 20 mín - 30 mín að bíða eftir bíl og þá er nú vinnudagurinn meira og minna búinn... því það tekur líka hálftíma að komast á milli og  ... og  ... og ....   því er þetta ákaflega einföld lausn - lokum sjoppunum í einn dag!

Búið að opna Reykjanesbraut

Ég yrði ekki ábyrg gjörða minna

Jæja, þá er enn einn dæmdur nauðgari væntanlega enn á götunni og frjáls.

Ég segi bara eins og einn sem hefur þegar bloggað um þessa frétt að "óeiginleg samtök" væru kannski bara hið góða?  Ég veit bara að sem móðir lítillar stúlku þá fer hún í sjálsvarnaríþróttir fyrr en síðar!  - hún er enn eiginlega of lítil en ...  Ég yrði ekki ábyrg gjörða minna ef einhver myndi voga sér - það get ég svarið!  Ég skil bara ekki hvers vegna það gerist ekki í íslenskum fangelsum sem maður hefur oft heyrt að gerist t.d. í amerískum - að svona menn - þeir komi einfaldlega aldrei út úr fangelsinu en fari einfaldlega "nine feet under..."  jafnvel hefur maður heyrt að svívirðilegustu fjöldamorðingjar þeir veigri sér nú ekki við því að bæta svona eins og einu við þegar þeir komast í nálægð við svona afbrotamenn...  ég veit ekki hvað er endilega satt eða logið en yfirleitt er þó eitthvað pínulítið satt í öllum sögnum eða?

...

Fjögurra ára fangelsi fyrir nauðganir

Tarantúla

Halló - er virkilega einhver sem vill eiga svona dýr?  og það sem gæludýr? ég bara spyr... 

Tarantúlan reyndi að flýja

http://www.bild.de

Pæliði í þessari mynd hér að neðan!

 

 

Í Þýskalandi hafa verið að koma upp brunar í húsum þar sem aðallega Tyrkneskar fjölskyldur búa - og amk í einu tilfelli virðist vera vitni að því að maður hafi kveikt í - rasismi?

En pæliði í þessari mynd - foreldrar sem hentu barni sínu út um glugga á þriðju hæð og lögreglumaður greip barnið sem er óhult en afgangurinn af fjölskyldunni ?  það er ekki vitað um þau hvort þau komust lífs af eða eru liðin!

Pæliði í örvæntingu foreldra ... mann skortir orð þegar maður heyrir um fólk sem kveikir í heilum húsum bara af því að eitthvert ákveðið þjóðarbrot býr þar - ég hélt í alvöru að nýnasismi væri liðinn undir lok - en kannski ekki?

 

Launahækkanir ákvarðaðar eftirá...

Já - alltaf er eitthvað nýtt undir sólinni ekki satt?

Þetta er hin forvitnilegasta útreikningsaðferð sem ég hef séð lengi. 

Hvernig væri að kjaradómur tæki þetta til hliðsjónar - kannski með baksýnisspegil í huga fyrir árið 2007 en var það ekki á því góða ári sem ýmsir aðilar sem njóta þess vafasama heiðurs að láta "skaffa" sér launahækkanir í gegnum kjaradóm fengu dálítið góða launahækkun?  Þeir ágætu menn gætu þá kannski með "baksýnisspegil" í huga bara lækkað þessi laun sem þeir hækkuðu?

Nei - þetta er auðvitað rugl -  

Launahækkanir ákveðnar eftirá

Framadagar

Var á Framadögum í dag - þetta er alveg frábært tækifæri fyrir ungt fólk að koma og hitta fullt af fyrirtækisfulltrúum.  Það var reyndar líka í dag keppni verkfræðinema sem ég heyrði að hefði verið rosalega skemmtileg - eins og alltaf held ég? - En að bjóða fólki svona að koma og sjá hvað fyrirtækin lögðu sig mikið fram til að koma flott fyrir alla þessa ungu einstaklinga, það var bara frábært í einu orði sagt!

Takk fyrir mig í dag.

Hvað er að?

Stenst það ekki að skrifa nokkur orð um þessa grein í Vísi í dag.

Vá - hvað er að fólki?  hvaða afsökun er að vera drukkin?  er ekki einfaldara að skilja barnið eftir á kirkjutröppu eða hjá félagsmálayfirvöldum og lýsa því yfir að hún væri ekki hæf móðir og gefa það frá sér?  ég get bara ekki annað en spurt - hvernig getur nokkur verið svona illur við sitt eigið barn? 

Vísir, 01. feb. 2008 17:37

Myrti barn sitt í örbylgjuofni

Óli Tynes skrifar:

Tuttugu og sjö ára gömul bandarísk kona hefur viðurkennt að hafa myrt barn sitt í örbylgjuofni. Hún var drukkin þegar þetta gerðist.

China Arnolds er sögð hafa vafið eins mánaðar gamla dóttur sína, Paris Talley, inn í teppi áður en hún lagði hana í ofninn, í ágúst árið 2005. Síðan gekk hún út í garðinn.

Nú er Arnolds fyrir rétti í Montgomery sýslu í Ohio, þar sem hún neitar því að hafa framið morð að yfirlögðu ráði.

Saksóknarinn segir að hún hafi játað morðið strax við fyrstu yfirheyrslu. Þá sagði hún; "Ég drap barnið mitt. Ég pakkaði henni inn. Ég lagði hana í örbygljuofninn. Ég kveikti á honum og gekk út í garð. Hún passaði alveg."

Læknar sem krufðu Paris Talley segja að útvortis hafi ekkert séð á henni. Innvortis hafi hún hinsvegar borið merki um gífurlegan hita.

Frístundakortið

Hvernig ætli þeirri ákvörðun hafi verið náð hjá borginni að frístundakortið sem er gefið út núna ætti að gilda fyrir börn 6 - 18?   Mér leikur mikil spurn á þessu.  Ég á dóttur sem er 4ra ára og fær þar af leiðandi ekki þetta frístundakort - en er leikskóli ekki yngsta viðurkennda skólastigið í dag?  Ef það á að gilda fyrir þá sem eru í skóla - hvers vegna hættir það þá ekki við 16 þegar grunnskóla lýkur?  Eru ekki mjög margir farnir að vinna með skóla þegar 17 og 18 ára aldri er náð og því er þá borgin að niðurgreiða fyrir þann aldurshóp?  Ég er bara að pæla hvers vegna börnum sé mismunað eftir aldri ?  Halda kannski þeir sem stjórna þessu að börn í leikskóla stundi ekki félagsstarf?  Nei  -   það er aldeilis ekki raunin.  Okkar litla skotta er bæði í kór og fimleikum núna og flestar hennar vinkonur í leikskólanum eru amk í tvennu, oft í miðri viku einu og svo um helgar í öðru.  Þetta gera aldrei minna en um 30.000 kr fyrir önnina - og börnin eru bara 4ra eða 5 ára!!!  

Þetta eru bara pælingar - ég er búin að leggja inn fyrirspurn hjá borginni vegna þessa og hvet foreldra barna í leikskóla til að senda fyrirspurnir líka til borgarinnar um þetta.  Ég held að þeim mun fleiri sem sýna óánægju sína með þetta - þeim mun meiri líkur séu á því að tekið verði tillit til okkar barna líka í þessu annars mjög svo frábæra kerfi!  Reykjavíkurborg á virkilega hrós skilið fyrir að koma þessu á - en það þarf að hugsa hlutina til enda!

 

Vextir, vaxtavextir, verðbólga, óðaverðbólga... ?

Ég var að lesa hjá einum bloggara sem var svo heppinn að hafa vit á því að taka myntkörfulán við íbúðakaup - maðurinn minn og ég vorum ekki svo forsjál við bílakaup fyrir nokkrum árum.  Við borguðum eitthvað inná - mig minnir bara lágmarkið þar eð við vorum að fara úr druslu í nýjan og fannst þetta bara gott svona.  Núna er ábyrgðin að detta niður þar eð bíllinn er að verða þriggja ára gamall og við ætluðum að athuga með að skipta.

Já - heyrðu - við skuldum meira í bílnumen hann er virði í endursölu! ! ! hvernig er það hægt?  Jú með verðbólgu, vísitölutengingum, og öllu þessu fáránlega sem er í gangi hjá okkur í þessu íslenska hagkerfi!  Hvers vegna er t.d. íbúðin mín og allra annarra sem eru að kaupa sér húsnæði inní vísitölu neysluverðs?  Er íbúð eitthvað sem við neytum?  Er hún ekki fasteign sem við erum að eignast?  Ég hef örugglega misskilið þetta eitthvað?  Það sama er með bílinn - við kannski étum hann? 

Við hjónin urðum nett pirruð að heyra þetta með bílinn - en ... svo les maður svona fréttir um vaxtalækkanir og vaxtalækkanir - en sorrý - erlendis!  Við sem hér búum verðum að lifa við vaxtahækkanir og aftur vaxtahækkanir og þá um leið verðbólguhækkun og svo rúllar boltinn áfram og við aumingjarnir sem keyptum bíla í íslenskum krónum á afborgunum skuldum bara meira og meira og lánin - ja þau hækka - og hver græðir?  Bankinn.  Hvað eru ekki bankastjórar landsins með í laun á mánuði?  hvaðan koma þessi gígantísku laun?  jú af vaxtagjöldum, þjónustugjöldum okkar sem erum í klafa vegna viðskipta okkar og skulda... 

Ein alveg nett pirruð á íslenska hagkerfinu!

Vextir lækkaðir vestanhafs